Lívfrøði er læran um livandi verur, uppruna teirra, samanspælið teirra millum og samband teirra við umhvørvið.

Lívfrøðiligar kanningar og starvsstovuroyndir skapa náttúruvísindaliga støðið sum ger tað møguligt at fáa størri innlit í tað kompleksa samanspælið, sum allar livandi verur eru partar av.

Frálæran:

Kravt stig á studentaskúlanum er uml. 100 tímar um árið og fevnir um:

• Lívvirkisfrøði hjá menniskjanum við serligum atliti til heilsu og sjúku
• Seksualitetur hjá menniskjanum og nøring
• Vistfrøði - samanspælið í náttúrini og árinið frá menniskjum

Felagsfakið á HF er uml. 100 tímar um árið og fevnir um:

• Vistfrøði
• Arvalæra og lívtøkni
• Lívvirkisfrøði hjá menniskjanum

Vallærugreinirnar byggja lutvís á tað næmingurin hevur lært á kravda stignum, umframt at nýggj evni sum lívevnafrøði, genetikk, evolutión og smáverulívfrøði verða tikin við. Harafturat verða eitt ávíst tal av tímum nýttir til eitt valfrítt verkevni har næmingarnir sleppa at arbeiða meira sjálvstøðugt, soleiðis at man fær bæði eina menning í undirvísingarháttum og av tí fakliga.

Miðstig á studentaskúlanum er uml. 135 tímar um árið og byggir á tað, sum næmingurin hevur lært í 1.flokki og skal tryggja eina lýsing av lívfrøði sum vísindagrein, lívfrøðiligari framleiðslu og -tøkni, heilsu sett upp ímóti sjúku og náttúru og umhvørvi samstundis sum undirvísingin skal fevna um:

• Arvalæru og evolutión
• Lívvirkisfrøði
• Vistfrøði
• Lívevnafrøði

Vallærugreinin á HF er uml. 135 tímar um árið og byggir á tað, sum næmingurin hevur lært í 1.flokki og skal tryggja eina lýsing av lívfrøði sum vísindagrein, lívfrøðiligari framleiðslu og -tøkni, heilsu sett upp ímóti sjúku og náttúru og umhvørvi samstundis sum undirvísingin skal fevna um:

• Arvalæru og evolutión
• Lívvirkisfrøði
• Vistfrøði
• Lívevnafrøði

Hástig á studentaskúlanum er uml. 150 tímar um árið og fevnir um:

• Arvalæru og evolutión
• Lívvirkisfrøði
• Vistfrøði
• Lívevna- og lívalisfrøði
• Smáverulívfrøði

Starvsstovuroyndir:

Skrivligt arbeiði:

Próvtøka:

EDV:

Edv verður integrerað í undirvísingina har tað er møguligt og náttúrligt. T.d. kann nevnast eitt serligt Kostprogram, sum er ført fyri at rokna innihaldið av orkugevandi evni, vitaminir og mineralir í matinum.

Ekskursiónir:

Ekskursiónir er ein náttúrligur partur av undirvísingini, serliga hjá valholdunum. Hesar ekskursiónir kunnu verða stytri vitjanir lokalt ella túrar frá 1-fleiri dagar at vitja lærustovnarstovnar ella virki, ið arbeiða við áhugaverdum lívfrøðiligum tilgongdum.