Inngangur

Upprunin til hesa tilbúgvingarætlan er eitt ynski frá bæði næmingum og starvsfólkum um eina skipaða ætlan í sambandi við trupulleikan, tá næmingar ella starvsfólk koma í kreppu ella sorg. Tað er trupult at nærkast tí syrgjandi, og ofta gerst hesin einsamallur, tí tøgn valdar uttan um hann. Vit eru øll medmenniskju, og ætlanin er tann, at vit ongantíð eiga at gera støðuna verri, enn hon longu er.
 
Tilbúgvingarætlanin er vegleiðandi; tað avgerandi er ikki ein reglugerð, men at vit sum vaksin fólk eru ella gerast tilvitað um, hvat vit siga, gera og ikki gera í ávísari støðu. Av størsta týdningi er tó, at vit øll kenna felags ábyrgd og ongantíð kenna okkum einsamøll, tá sorgin rakar. Tilbúgvingarætlanin er eitt amboð, ið til ber at taka fram í ávísari støðu. Rektarin hevur høvuðsábyrgdina av, at tiltøk verða sett í verk, og er rektarin av onkrari orsøk ikki til staðar, hevur vararektarin ella leiðslan ábyrgdina, sum vanlig mannagongd er á skúlanum.

Felags missur:
 

a)      Næmingur hevur verið leingi sjúkur:

b)      Um næmingur brádliga doyr:

Minningarhald
 
Í kreppustøðu er tað av stórum týdningi at ritual verða fyriskipað, ið eru væl fyrireikað. Skúlin eigur at flagga í hálvari stong. Familjan eigur at verða boðin við til minningarhaldið.

Stuðulsbólkurin 

Stuðulsbólkurin er nevnd undir lærararáðnum, ið stuðlar, kunnar og mennir, har tørvur er á tí. Bólkurin er ikki samansettur av yrkisfólk, men ætlaður sum stuðul til at lætta um samskifti og at stuðla tí einstaka læraranum, ið ongantíð eigur at kenna seg einsamallan í sambandi við sorgartilburðir.
Stuðulsbólkurin skipar fyri fundum, fyrilestrum og evnisdøgum. Fylgir við, hvat kemur út av viðkomandi tilfari, ognar sær nýggja vitan um evnið og kunnar starvsfelagar um hetta.
Stuðulsbólkurin eigur at kunna nýggjar lærarar um til-búgvingarætlan og arbeiði skúlans í hesum sambandi.
Stuðulsbólkurin dagførir tilbúgvingarætlanina, fylgir upp og eftirmetir tiltøk, ið hava verið og eigur at taka lut á skeiðum hesum viðvíkjandi.