Vit eru nú komin væl í gongd við seinnu helvt av hesum skúlaárinum.

Áðrenn vit fara í vetrarfrí í viku 7 er rættiliga fitt av virksemi á skúlanum.  Komandi hósdag, 2. februar, byrja várroyndirnar.  Nærri skrá og upplýsingar síggjast á Næmingastevnuni í First Class.

Týsdagin 31. januar í 1. og 2. blokki er felags tími við sálarfrøðinginum Helga Rasmussen. Hvørjir flokkar møta nær, sæst á kalendaranum her á síðuni og á kunning, sum er løgd inn á næmingastevnuna.  Evnið fyri felagstíman við Helga er:  "Í hvønn mun styrkir virksemið í studentaskúlin næmingarnar, soleiðis at tey gerast sjálvstøðug og harvið eru búgvin til at taka avgerðir um egna framtíð?"

Annar HF skrivar høvuðsuppgávu 3.-10. februar.

Gevið annas gætur, at hóast parkering ikki longur er partur av skilhaldsreglum skúlans, so er ferðslulógin tó galdandi, og bilar, ið parkera ólógliga kunnu rokna við at fáa bót.

Blíðar heilsanir,